Yangiliklar

  • Qoraqalpogʻiston fermerlari On-layn rejimida madad olmoqdalar

    Qoraqalpogʻiston fermerlari On-layn rejimida madad olmoqdalar

    Shu kunlarda Qoraqalpogʻistonning Qanlikoʻl tumani fermerlari, tomorqa yer va issiqxonalar egalari, uydan chiqmagan holda, Telegramdagi guruh orqali axborot koʻmagini olishmoqda. Bunda ularga BMTning Oʻzbekistondagi Taraqqiyot dasturining texnik yordamida ochilgan Axborot-maslahat markazi mutaxassislari yordam bermoqda. Batafsil...
  • Iqlim oʻzgarishiga moslashish choralari Qoraqalpogʻistondagi oziq-ovqat xavfsizligini taʼminlaydi

    Iqlim oʻzgarishiga moslashish choralari Qoraqalpogʻistondagi oziq-ovqat xavfsizligini taʼminlaydi

    Umumiy karantin davrida Qoraqalpogʻistonning beshta shimoliy tumanlari aholisi doimiy ravishda qishloq xoʻjaligi mahsulotlari bilan taʼminlanish imkoniga ega. Oʻzbekistonning qurgʻoqchil hududlarida joylashgan fermer va d ehqon xoʻjaliklarining iqlim barqarorligini taʼminlash uchun Moʻynoq, Kegeyli, Taxtakoʻpir, Chimboy va Qonlikoʻl tumanlarida BMT Taraqqiyot Dasturining koʻmagida keyingi ikki yil mobaynida 564ta issiqxona qurilgan. 2000 nafardan ortiq odam yopiq tuproqda koʻchatlar va sabzavot-poliz ekinlarini yetishtirish usullariga oʻqitildi. Batafsil...
  • Hamjamiyatlar tibbiy koʻngillilari Qoraqalpogʻistonda koronavirusni tarqalishiga qarshi kurashmoqdalar

    Hamjamiyatlar tibbiy koʻngillilari Qoraqalpogʻistonda koronavirusni tarqalishiga qarshi kurashmoqdalar

    Bugun, karantin sharoitida, BMT Koʻngillilaridan bilim olgan 400 nafardan koʻproq tibbiy volontyorlar Qoraqalpogʻiston aholisiga ekologik sharoitida murakkab boʻlgan hududlarda, Telegram kanalidan foydalangan holda, koronavirus va boshqa kasalliklarga qarshi turishda yordam bermoqdalar. Batafsil...
  • Qishloq xoʻjaligi ekinlarining hosildorligini oshirishda organik dehqonchilik afzalliklari

    Qishloq xoʻjaligi ekinlarining hosildorligini oshirishda organik dehqonchilik afzalliklari

    Qoraqalpogʻistonda, ayniqsa uning shimoliy tumanlaridagi dehqonchilikning asosiy muammolari tuproqda organik moddalar miqdori pastligi, tuproqni umumiy tuzlanishi va suv taqchilligi va gidrologik qurgʻoqchilikni tez-tez qaytarilib turilishi bilan bogʻliq, bularni barchasi esa koʻp darajada iqlim oʻzgarishini oqibati hisoblanadi. Bu omillar, ayniqsa sugʻoriladigan suvni mavjud emasligi natijasida tuproqni haddan ziyod qurib qolishi, ekinlarni toʻliq qaqrab qolishiga olib keladigan qurgʻoqchil yillarda rejalashtirilgan hosilni qisman yoki toʻliq yoʻqotilishi xatarini oshiradi. Qishloq xoʻjaligi mahsulotlarini, masalan 2000-2001 yillarda boʻlganidek, ogʻir qurgʻoqchilik sababli keng koʻlamda yoʻqotilishi mamlakatning oziq-ovqat xavfsizligiga tahdid solishi mumkin. Batafsil...
  • Nukusda qishloq xoʻjaligiga innovatsion yondashuvlar muhokama qilindi

    Nukusda qishloq xoʻjaligiga innovatsion yondashuvlar muhokama qilindi

    2019 yilning 23 noyabr kuni Nukusda “Orolboʻyi mintaqasini tabiiy ofatlarga duchor boʻlgan hududdan innovatsiyalar va barqaror rivojlanish hududiga (qishloq xoʻjaligi sektori) oʻzgartirish yoʻlida” mavzusida davra suhbati boʻlib oʻtdi. Batafsil...
  • 1
  • 2
  • 3
  • 4
  • 5
  • Komponent 1

    Qurg‘oqchilikni boshqarish va uni oldindan ogohlantirish tizimining institutsional va texnik salohiyati
    Batafsil
  • Komponent 2

    Dehqon xo‘jaliklari uchun qishloq xo‘jaligi (dehqonchilik va chorvachilik)ning iqlimiy barqaror amaliyotlari
    Batafsil
  • Komponent 3

    Iqlim o‘zgarishi natijasida qurgʻoqchilikning ortib borishi havfiga landshaftlar darajasida adaptatsiya (moslashish) choralari
    Batafsil
  • Komponent 4

    Bilimlarni boshqarish va xabardorlikni orttirish
    Batafsil

2014 yilning oxirida O‘zbekistonda “O‘zbekistonning qurg‘oqchil hududlarida joylashgan fermer va dehqon xo‘jaliklarining iqlimiy barqarorligini ta’minlash” loyihasini ishga tushirildi.

Loyihaning asosiy maqsadi-O‘zbekistonning qurg‘oqchilik ta’siriga eng ta’sirchan bo‘lgan hududlarida, jumladan, Qoraqalpog‘iston Respublikasida, iqlim o‘zgarishiga bardoshli bo‘lgan qishloq xo‘jaligi va chorvachilik fermer xo‘jaliklarini yaratish.

Loyiha 6 yilga mo‘ljallangan va O‘zbekiston Respublikasi Vazirlar Mahkamasi huzuridagi Gidrometeorologiya markazi (O‘zgidromet), BMT Taraqqiyot Dasturi (BMTTD) va Adaptatsiya fondi (AF) tomonidan, Qoraqalpog‘iston Respublikasi Vazirlar Kengashi, O‘zbekiston Respublikasi ekologiya va atrof-muhitni muhofaza qilish davlat qo‘mitasi, Qishloq xo‘jaligi vazirligi, Suv xo‘jaligi vazirligi, Iqtisodiyot vazirligi, Er resurslari, geodeziya, kartografiya va davlat kadastri Davlat qo‘mitasi ko‘magidagi qo‘shma sa’y-harakatlar orqali amalga oshirilmoqda.

Qoraqalpog‘iston Respublikasi o‘zining noqulay geografik joylashuvi, qurg‘oqchil iqlim sharoitlari va Orol dengizi qurishi bilan bog‘liq bo‘lgan atropogen falokat tufayli O‘zbekistonning iqlim o‘zgarishiga eng moyil bo‘lgan hududlaridan biri hisoblanadi. Respublika Orol havzasidagi asmosiy daryolarning quyi oqimida joylashgan, va aksar hollarda suv mazkur hududga kam miqdorda va past sifatda etib keladi, gohida esa suv resurslari bilan bog‘liq vaziyat falokat ko‘rinishini oladi- yuqorida joylashgan hududlardan suv, ayniqsa, qurg‘oqchilik yillarida, umuman etib kelmaydi.

Qoraqalpog‘istondai qurg‘oqchilikni tez-tez yuzaga kelib turishi, qurg‘oqlikni oshishiga olib keluvchi umummiy omillar va suv resurslarini bashorat qilinuvchi taqchilligi birinchi o‘ringa suv bilan ta’minlash masalasini olib chiqmoqda, mazkur holatlar erlarning unumdorligini ham yomonlashtiradi, bu esa, o‘z navbatida, qishloq hududlarda istiqomat qiluvchi aholining iqlim o‘zgarishini mavjud hamda kelajakdagi salbiy oqibatlariga qarshi tura olish qobiliyatiga ham ta’sir ko‘rsatadi.

Shu munosabat bilan Qoraqalpog‘iston va uning beshta tumani loyihaning namunaviy hududlari etib tanlandi, u erlarda iqlim o‘zgarishining nomaqbul asoratlarini engillashtirishga yo‘naltirilgan moslashuv (adaptatsion) chora-tadbirlar va sa’y-harakatlar namoyish etiladi va joriy qilinadi.

Loyiha davlat organlarining markaziy, viloyat va tuman organlariga ko‘mak ko‘rsatadi, hamda iqlim o‘zgarishi jarayonlariga eng moyil bo‘lgan o‘simlikshunoslik va chorvachilik bilan shug‘ullanayotgan fermer va dehqon xo‘jaliklarini moslashishga (adaptatsiya) diqqat-e’tiborni qaratadi. Loyiha taklif qilayotgan chora-tadbirlar va sa’y-harakatlar iqlim o‘zgarishining mavjud va kelajakdagi ta’siriga, mazkur hududda tez-tez sodir bo‘layotgan qurg‘oqchilikka qarshi tura olishga yordam beradi, suv ta’minoti va er resurslari unumdorligini pasayish muammosini hal qilishga yaqinlashishga yordam beradi.

Hamkorlarimiz

mahalliy va xalqaro
  • Узгидромет
  • Adaptation Fund
  • UNDP